“Ярдәм” мәчетенең конференцияләр залында Татарстан мөфтие урынбасары Илдар хәзрәт Баязитов, “Ярдәм” МИХ фонды президенты Илһам Исмәгыйлев, Бөтендөнья Коръәнхафизлар оешмасы вәкиле Хәсән әл-Һади, КИУдагы Коръәнхафизлар әзерләү үзәге вәкилләре катнашында мәчет шәкертләренә ТР МДН нәшер иткән Изге Коръәннең яңа басмасы тапшырылды.
Әлеге Коръән мөфти Камил хәзрәт Сәмигуллин җитәкчелегендә оештырылган махсус төркем көче белән әзерләп быел нәшир ителде.
Бу чара барышында, тантаналы шартларда, “Ярдәм” мәчетенең Коръән әзерләү үзәгендәге өч шәкерткә Коръән укырга ярдәм итә торган “Түхфәт әл-Әтфәл” дигән кагыйдәләр җыентыгын өйрәнгән өчен иҗазәтләр бирелде.
