Татарстан мөселманнары Диния нәзарәте дәгъват бүлеге хезмәткәрләре һәр якшәмбедә Казан югары хәрби команда училищесында курсантлар белән очрашалар. Алар яшь хәрбиләргә дини тәрбия, әхлак турында сөйлиләр.
24 февраль көнне исә 30га якын курсант Казанның тарихи Апанай мәчетендә булдылар, җомга вәгазен тыңладылар. Апанай мәчете имам-хатыйбы, дәгъват бүлеге җитәкчесе Нияз хәзрәт Сабиров аларны мәчет тарихы белән таныштырды, ислам нигезләре хакында җиткерде. Курсантлар үз чиратларында мондый очрашуларның алга таба да дәвамлы булуын теләделәр. Алар арасында Дагыстан, Ингушетия, Татарстан һәм башка төбәк яшьләре бар иде.
