Ислам динен кабул итүгә 1000 ел исемендәге Казан югары мөселман мәдрәсәсендә һәр шәкерткә Коръәннең яңа чыккан басмасы бүләк ителде. Мәдрәсәбез мөдире Ильяс хәзрәт Җиһаншин, җомга көненең әһәмиятен билгеләп, әлеге истәлекне бүләкләрне тапшырыр алдыннан Казан басмасындагы үзенчәлекләрне аңлатты.
Мәгълүм булганча, узган ел Татарстан мөселманнары Диния нәзарәте Коръәннең яңа басмасын 10 мең тираж белән, ә соңрак 15 мең данә тираж белән бастырды. Ике ел дәвамында әлеге эшне мөфтиятнең Коръәнне өйрәнү бүлеге, Коръәнхафизлар башкарып чыкты.
Беренче тапкыр басма Коръән Казанда дөнья күргән.
