Бүген Россия Хөкүмәте рәисенең беренче урынбасары Александр Хлопонин Казанга эшлекле сәфәре кысаларында Татарстан Президенты Рөстәм Миңнеханов һәм башка рәсми затлар белән бергә “Кол Шәриф” мәчетендә булды. Дәрәҗәле кунакны “Кол Шәриф” мәчете белән Татарстан мөфтие Камил хәзрәт Сәмигуллин таныштырды.
Камил хәзрәт кунакларга биредә тәүлек дәвамында Коръән укылуы хакында әйтте, мәчетнең тарихы, аның күркәм яклары, шулай ук Татарстан мөселманнары турында сөйләде. Шулай ук мәчетнең намаз уку бүлмәләрендә, Ислам мәдәнияте музеенда булдылар. Очрашу ахырында Камил хәзрәт Александр Хлопонинга ТР МДН исеменнән истәлек бүләкләр тапшырды.
