Елдагыча Түбән Новгород өлкәсенең Ребушкино авылында “Шәкертләр бәйрәме” булып узды. Буа мөхтәсибәте командасы әлеге бәйгедә өченче ел рәттән катнаша. Чара барышында төрле дини сораулар, милли көрәш, вәгазъләр, күренешләр күрсәтелде.
Нәтиҗәдә буалылар ике номинациядә призлы урыннар алды: шигыр сөйләү буенча Камилә Зарипова 2нче урын, ә викторинада Ахмадуллова Айзилә, Сәетмөрадов Ильяс, Фәхрисламова Айшә, Гимадиева Рәисә 3нче урынга ирештеләр.
Буа мөхтәсибәтеннән барган шәкертләр үзләренә рухи көч, аралашу мизгеле, яңа танышулар алып кайтты.
