"Darul-Kutub"ка сирәк иске китаплар архивы тапшырылды.

01 август 2017 ел 16:47

"Darul-Kutub" электрон китапханәнең сирәк китаплар коллекциясе тулыланды. Илфат һәм Миләүшә Гайнетдиновлар иске китаплардан торган шәхси дини архивын "Хозур" нәшрият йортына тапшырды. Бабаларының әманәте белән гаилә 3 тартмага тупланган Ислам буенча сирәк һәм уникаль китаплар китерә. Васыятьтә аларга "Китапларны сатмагыз - алай байый алмассыз. Китапларны укып, белем алыгыз. Яки башкаларга тапшырыгыз" диелгән. Нәшрият йорты китапларның исемлеген төзүгә кереште:  алар арасында тәфсирләр, пәйгамбәрләр тарихы турында хезмәтләр, тәҗвид, каләм буенча дәреслекләр барлыгы билгеле. Җыелманың йөзек кашы булып XIX гасырга караган кулъязма Коръән китабы тора. Коллекция электрон форматка күчереләчәк һәм darul-kutub.com порталында һәр теләгән кеше файдалансын өчен урын алачак.
"Хозур" нәшрият йорты һәм darul-kutub.com электрон китапханә порталы гарәп, иске татар, фарсы телендәге борынгы китапларга ия булганнарга мөрәҗәгать белән чыга: Әгәр дә милли мирасыбызның күп гасырлар дәвамында саклануын теләсәгез, мондый китапларны "Хозур" нәшрият йортына тапшырыгыз. Биредә аларга икенче тормыш өреләчәк. 

Сурәт - 1
Сурәт - 2
Сурәт - 3
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана