Болгар ислам академиясе ачылышына зур кунаклар көтелә

Татарстан мөфтиенең мәгариф буенча урынбасары Рәфыйк Мөхәммәтшин "Рухи ефәк юл: Иҗат. Берләшү" конференциясе һәм Болгар ислам академиясе ачылышы чарасы турында сөйләде. "Конференция Корбан бәйрәмен йомгаклау булып тора һәм бик күп кунакларны кабул итәчәкбез. Безнең өчен тарихи ефәк юлның рухи ягы әһәмиятле. 4нче сентябрь көнне Болгар ислам академиясен ачачакбыз. СНГ, чит илләрдән бик күп кунаклар киләчәк. Ул илебезнең дини мәгариф системасы өчен яңа бер күренеш. Әлеге яңа типтагы уку йорты магистрлар һәм фән докторлары әзерлиячәк. Академиягә укырга керү өчен югары белемгә ия булу һәм гарәп телен белү шарт", - дип сөйләде Рәфыйк хәзрәт Мөхәммәтшин видеокүпер барышында.