Бүген Казанның Галиев мәчетендә ТР мөселманнары Диния нәзарәтенең Голамәләр шурасы утырышы узды.
Хәзрәтләр җыелышта төп бер сорау карады: "Имамнар тарафыннан никахлар укылганда ислам хокукы кагыйдәләрен куллану турында" Нигезләмәне кабул итү. Татарстанның Казыйлар шурасында раслангач, әлеге документны Нәзарәтнең барлык дин әһелләре дә үз эшләрендә файдаланырга тиеш булачак. Нигезләмәдә никах йоласының Хәнәфи мәзһәбенә һәм дәүләт тарафыннан ЗАГС бүлекләрендә теркәлүгә туры килү, мәһер күләмен билгеләү, кияү-кәләшнең балигълыгы, Нәзарәтнең Теркәү кенәгәсендә теркәлү зарурилыгы кебек мәсьәләләр карала.
Бүген Голамәләр шурасы раслаган документ хатын-кызларның хокукларын яклау һәм гаилә институтын ныгыту максатларыннан чыгып эшләнде.
