Бүген Рәгаиб кичәсе җитә

22 март 2018 ел 09:20

Кадерле дин кардәшләрем!
Бүген Рәгаиб кичәсе җитә. Бу кичә – Пәйгамбәребез салләллаһу галәйһи вә сәлләмнең әтисе ГАбдулла белән әнисе Әминәнең никахлашкан вакытыдыр. Нәкъ шул кичәдә, ягъни Рәҗәб аеның беренче җомга кичендә Әминә балага уза һәм бу барча галәмнәр өчен рәхмәт итеп җибәреләчәк олуг Пәйгамбәрнең бу дөньяга килүенә сәбәп була.
Рәгаиб кичәсендә Аллаһ ризалыгы өчен Коръән укырга, догалар кылырга, төнне нәфел намазлар укып үткәрергә киңәш ителә. Бу көн вә кичәнең без белмәгән бик күп хикмәтләре бардыр. Бу кичә хәлебездән килгән кадәр гыйбадәтләребезне, догаларыбызны кылырга, тәүбәләребезне арттырырга, начар вә ямьсез эшләрдән ерак торырга тиешбез.
Аллаһы Тәгалә безгә тыелган гамәлләрдән читтә торырга ярдәмнәрен биреп, изге эшләр өчен савапларны күп тапкыр арттырып язып, Үзенең рәхмәтенә, рәхим-шәфкатенә ирешү белән бүләкләсә иде.

Татарстан мөфтие Камил хәзрәт Сәмигуллин

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана