8 гыйнвар көнне Тукай районының Теләнче Тамак авылында балалар арасында намаз уку ярышы оештырылды.
Әлеге бәйге район имам-мөхтәсибе Җәүдәт хәзрәт Харисов башлангычы белән үткәрелде. Кичәгә ата-аналар гына түгел, дин, әхлак тәрбиясе белән кызыксынган күп кеше җыелган иде. Җәүдәт хәзрәт дөрес әйтә: дин тоту, намаз уку – сәламәт яшәү рәвеше дә ул.
Ярышта 21 ир һәм кыз бала катнашты. Мусзавод, Малтабар, Иштирәк, Яңа авылларыннан да килгәннәр иде. Теләнче Тамактан 9 бала катнашты. Алар дин гыйлемен күркәм генә үзләштерә башлауларын күрсәтте. Гомумән, шәкертләрнең зәвык белән киенүләре, үз-үзләрен тотышлары барыбызга да ошады.
Шәмсеруй ЗӘКИЕВА.
Тукай районы
Чыганак: "Ватаным Татарстан" газетасы
