Сорау: Әссәламү галәйкүм! Күптән түгел генә өйләндем. Хатыным белән телефоннан сөйләшкәндә, җенси темага кереп китеп, мәни чыкты. Минем уразам бозылдымы?
Җавап: Үә галәйкүм әссәлам! Хатыныгыз белән телефоннан сөйләшкәндә мәни чыгу уразаны бозмый.
“Нур әл-Идах” китабында имам Шурунбуләли болай ди:
باب ما لا يفسد الصوم:
أو أنزل بنظر أو فكر و إن أدام النظر و الفكر
“Карау яисә башка килеп, уйлап йөрүләр аркасында чыккан мәни уразаны бозмый”.
Әгәр мәни чыгуга сез үзегез физик яктан сәбәпче булгансыз икән, ураза бозыла һәм каза кылу тиешле була.
Имам Әл-Мәйдани (Аллаһ аннан разый булсын) болай дип яза:
باب مفسدات الصوم:
و من جامع فيما دون الفرج فأنزل فعليه القضاء لوجود معنى الجماع و لا كفارة عليه لانعدام صورته
“Әгәр ир-атның, хатыны белән якынлыкта булмыйча да, мәние чыккан икән, аның уразасы бозыла, каза кылырга кирәк була. Кәффарәт тиешле булмый, чөнки асылда мәни чыкса да, рәвеше буенча ул җенси якынлыкка туры килми”.
