Бүген, Сафәр аеның 22 нче көнендә (29 нчы сентябрьдә), Нәзарәтнең дәгъват бүлеге хезмәткәре, “Саләх” мәчете имам-хатыйбы Тимергали хәзрәт Юлдашев Казанның Вьетнам базарындагы намаз бүлмәсендә мигрантларга вәгазь укыды. Бүгенге очрашу “Экстремизмга – юк!” айлыгы кысаларында узды.
ТР мөселманнары Диния нәзарәтенең дәгъват бүлеге хезмәткәрләре һәр атна саен Казан базарларында мигрантлар өчен динебез кыйммәтләренә багышланган вәгазьләр укый. Очрашу барышында дин әһелләре мигрантларны борчыган сорауларга да җавап бирә.
Лекцияләр Казанның Вьетнам, Яңа Тура һәм Адоратский урамындагы базарлардагы намаз бүлмәләрендә алып барыла.
