РФ Мөселман эшмәкәрләре ассоциациясенең PrivateClub очрашуында резидентлар мәчеткә ярдәм күрсәтү йөзеннән 1,8 миллион сумнан артык акча җыйды. Мондый җыелышлар тарихында бу кадәрле сумма тәүге тапкыр кыска вакыт аралыгында – нибары 10 минут эчендә җыелды. Кайбер бизнесменнар очрашуда онлайн рәвештә катнашты.
Җыелган акчага Яшел үзән районы Васильево бистәсе Җәмигъ мәчетен төзекләндерү ниятләнә. “Җылылыкны яхшы сакласын өчен, бинаны һәм фасадны ремонтларга кирәк”, – дип белдерде мәчет имамы Рөстәм хәзрәт Вәлиуллин. – Ассоциация көче белән төп эшләр башкарылачак”.
2021 елда РФ Мөселман эшмәкәрләре ассоциациясе хәйрия фондының финанс ярдәме белән барлыгы 10 мәчет төзекләндерелде: түбәләр яңартылды, диварлар ныгытылды, бинаның әйләнә-тирәсе төзекләндерелде, тәрәзә һәм ишекләр алыштырылды, бинага җылылык системасы үткәрелде, җиһазлар һәм уку-укыту әсбаплары сатып алынды.
Игътибар! Хәйрия акчаларын җыю дәвам итә. Һәркем үз өлешен мәчетләргә, шулай ук мөселман мәгариф проектларына, мәдрәсәләргә һәм мөгаллимнәргә ярдәм итү өчен җибәрә ала. Барлык мәгълүматларны +7 (986) 902-06-06 телефоны буенча алырга мөмкин (РФ Мөселман эшмәкәрләре ассоциациясе башкарма директоры Рөстәм Вәлиев).
РФ Мөселман эшмәкәрләре ассоциациясе матбугат хезмәте
