Бүген, Раҗәб аеның 10 нчы көнендә, Казанның «Кол Шәриф» мәчетендә Казахстан Республикасы Президенты Касыйм-Җомарт Токаев булды. Дәрәҗәле кунак мәчеткә Татарстан Президенты Рөстәм Миңнеханов озатуында килде. Искәртеп үтәбез, Казахстан башлыгы Казанга Россия Федерациясенә рәсми сәфәре кысаларында килде.
«Кол Шәриф» мәчетендә Камил хәзрәт кунакка мәчет буйлап экскурсия уздырды, архитектурасы белән таныштырды. Кыскача гына ТР мөселманнары Диния нәзарәте эшчәнлеге, Татарстанда ислам инфраструктурасын үстерү, конфессияара мөнәсәбәтләр тәҗрибәсе турында сөйләде, шулай ук Идел буе Болгарында Ислам кабул ителүнең 1100 еллыгын бәйрәм итү кысаларында чаралар планы белән уртаклашты.
Аннан соң Казахстан Президенты Благовещение соборында булды.
Фото - Татарстан Республикасы Президенты матбугат хезмәте
