Татарстан мөфтиятенең “Хәләл” стандарт буенча комитеты 2004 елда хәләл продукция җитештерүне һәм сатуны тикшереп тору өчен төзелә. Оешкан көннән алып бүгенге көнгә кадәр комитет тарафыннан 1190 предприятие сертификацияләнгән. Уртача һәр елны 150гә якын оешма товарларын җитештерү һәм хезмәт күрсәтү стандартларын хәләл нормаларына туры китереп Комитеттан сертификат ала. Мисал өчен, 2021 ел нәтиҗәләре буенча Комитет реестрында 182 оешма теркәлгән иде. Сертификатлар ризык, көн-күреш химиясен, косметика җитештерүче оешмаларга, җәмәгать туклануы урыннарына, кунакханәләр һәм санаторийларга, туризм һәм медицина хезмәтләренә бирелә.
Бүгенге көндә сертификацияләнгән предприятиеләр реестрында 144 предприятие теркәлгән. Шуларның 121 - Татарстаннан, калганнары - Удмуртия, Марий Эл, Пермь, Краснодар, Ставрополь крае, Мәскәү, Пенза, Чиләбе, Тула, Воронеж, Оренбург, Самара һәм Ульяновск өлкәләреннән. Бу предприятиеләрдән: 47 – ит эшләнмәләре һәм ярымфабрикатлар, 14 – сөт һәм май продукциясе, 20 – икмәк-күмәч, макарон һәм кондитер эшләнмәләре, 66 – җәмәгать туклануы хезмәтләрен тәкъдим итә һәм 22 эшчәнлекнең башка төрләре белән шөгыльләнә, мәсәлән косметика һәм башкалар. Хәзерге вакытта Комитет тарафыннан сертификацияләнгән иң зур предприятиеләр булып “Чаллы-Бройлер”, “Равис-Сосновская”, “Акашевская”, “Макфа”, “Юнилевер Русь”, “АГРОСИЛА Чаллы-МПК” һәм башкалар санала.
Хәзерге вакытта “Хәләл” стандарты буенча комитетта 26 хезмәткәр эшли, шул исәптән 3 шәригать белгече һәм производствода эшләүче 15 контролер.
