Бүген, җүмәдәл-әүвәл аеның 6 нчы көнендә (30 ноябрь), РФ Мөселман эшкуарлары ассоциациясенең хәйрия фонды, мохтаҗ гаиләләргә тарату өчен, "Зәкәт" хәйрия фондына һәм мөселман уку йортларына 200 литр бал тапшырды. Бу күчтәнәч Татарстанның Биектау районының Сая авылында яшәүче эшкуар тарафыннан әзерләнгән.
РФ Мөселман эшкуарлары ассоциациясе Айдар Шаһимәрданов билгеләп үткәнчә, Ассоциация «Зәкят» хәйрия фонды һәм мәдрәсәләр белән күп еллар хезмәттәшлек итә.
Узган айда РФ Мөселман эшкуарлары ассоциациясе хәйрия фонды тарафыннан 400 000 сумнан артык акча җыелган. Алар ислам мәгарифенә һәм фәненә ярдәм итү, мәчетләр төзүдә булышлык күрсәтү һәм республика сәүдә үзәкләрендә намаз уку бүлмәләренең эшләвен тәэмин итү өчен җибәрелгән.
Игелек кылырга теләүчеләр +7 (986) 902-06-06 телефоны аша РФ Мөселман эшкуарлары ассоциациясе башкарма директоры Рөстәм Вәлиевкә мөрәҗәгать итә ала.
