Бүген, Җөмәдәл-ахир аеның 7нче көнендә (30нчы декабрьдә), Нәзарәтнең “Зәкят” хәйрия фонды Татарстаннан мобилизацияләнгән солдатларга генератор тапшырды. Әлеге җиһаз 2022нче елның декабрь башында Татарстан мөфтиятенә мобилизацияләнгән солдатның әнисеннән килгән хатка җавап итеп җибәрелде, анда ул генератор сатып алуда ярдәм сораган иде.
“Зәкят” хәйрия фонды гозерне игътибарсыз калдырмады һәм хәрбиләрнең көнкүрешендә җиңеллек булсын дип генератор сатып алды.
Исегезгә төшерәбез, Татарстан мөселманнары Диния нәзарәте махсус хәрби операциядә катнашучы Татарстан Республикасы сугышчыларына ярдәм йөзеннән акча җыюны 27нче сентябрьдән игълан иткән иде. Акчалата өлеш кертүдән тыш, мөхтәсибәтләр “Зәкят” фондына шулай ук махсус хәрби операция кырларында солдатларга кирәкле азык-төлек, җылы кием һәм башка файдалы кирәк-яраклар китерде.
Акча җыю дәвам итә. Аны https://zakyatrt.com/charity?id=84 сайты аша, шулай ук 2202 2007 0125 5174 (Зиля Ириковна И.) номерлы Сбербанк картасына күчерергә мөмкин.
