Рәҗәб аеның 13 нче көнендә (4 нче февраль), Лениногорск мөхтәсибәтендә «Татнефть» спорткомплексы территориясендә мөселман яшьләре арасында чаңгы ярышы узачак. Спорт чарасын Лениногорск районы мөхтәсибәте Лениногорск шәһәре администрациясе һәм «Лениногорскнефть» идарәсе теләктәшлегендә оештыра.
Ярышларны уздыруның максаты - сәламәт яшәү рәвешен пропагандалау, чаңгы спортын популярлаштыру һәм мөселман яшьләре арасындагы яхшы мөнәсәбәтләрне ныгыту. Спортчылар чаңгыда 2 км-лы трасса буенча йөгерергә тиеш булачак.
Ярышта ТР мөселманнары Диния нәзарәтенең һәр мөхтәсибәтеннән 3 кеше катнаша ала. Үзең белән чаңгы комплекты һәм җылы кием алырга кирәк. Команда беренчелеген өч уенчының уртак нәтиҗәсеннән чыгып билгеләячкләр. Ярышта профессиональ чаңгычылар катнаша алмый.
Ярышларда катнашучыларны теркәү иртәнге сәгать тугызда Лениногорск ш., Набережная ур, 26 йорт адресы буенча урнашкан “Ихлас” мәчетендә башкарыла. Йөгереш иртәнге сәгать унда башлана.
Шәхси беренчелектә һәм команда йөгерешендә җиңүчеләр призлар һәм грамоталар белән бүләкләнә.
Катнашучыларга 2023 елның 31 гыйнварына кадәр форма буенча гаризалар бирергә һәм аларны leninigorsk.muhtasibat@yandex.ru электрон адресына җибәрергә кирәк. Белешмәләр өчен телефон: 89179171169.
