Бүген, шәүвәл аеның 27нче көнендә, Татарстан Республикасы Рәисе Рөстәм Миңнеханов ТР Хөкүмәте йортында Бәһрәйнның Юстиция, ислам мәсьәләләре һәм хәйрия фондлары министры Нүәф Бин Мөхәммәд Әл-Мәгаудә белән очрашты. Әлеге очрашуда шулай ук Татарстан мөфтие Камил хәзрәт Сәмигуллин катнашты.
Татарстан Рәисе министрга “Россия – Ислам дөньясы: KazanForum” Халыкара икътисадый форумында катнашу өчен Казанга килгәне өчен рәхмәтен белдерде. Ул билгеләп үткәнчә, Татарстан белән Бәһрәйн арасындагы товар әйләнеше дәрәҗәсе әлегә тулы мөмкинлекләргә җавап бирми. Рөстәм Миңнеханов ике яклы сәүдә күләмен арттыру буенча эшне активлаштырырга, шулай ук фәнни-мәгариф, мәдәни һәм туристик өлкәләрдә элемтәләрне ныгытырга тәкъдим итте.
ТР Рәисе матбугат хезмәте материаллары файдаланылды.
