27нче июньдә Россия телевизион һәм радиотапшырулар челтәре филиалы “Татарстан Республикасы Радиотелевизион тапшыру үзәге”нең Казан телевизион манарасы Корбан бәйрәме уңаеннан бәйрәм утлары белән балкып торачак. Әлеге корылмада бәйрәм утлары 27нче июньдә сәг. 21.00-дән 23.00-гә кадәр янып торачак.
Казан телеманарасын бизәү Татарстан башкаласында бәйрәм мохитен тудырачак, халыкка һәм кунакларга Корбан бәйрәме җиткергән гомумкешелек кыйммәтләре турында искә төшерәчәк.
Татарстан мөфтияте Россия телевизион һәм радиотапшырулар челтәре филиалы “Татарстан Республикасы Радиотелевизион тапшыру үзәге” җитәкчелегенә мөселман календаренда иң мөһим даталарның берсенә күрсәткән игътибары һәм ихтирамы өчен рәхмәтен белдерә.
