Рабигыль-ахыр аеның 8 нче көнендә (23 октябрь) ТР мөселманнары Диния нәзарәтенең «Зәкят» хәйрия фонды Мәүлид ән-Нәбигә багышланган хәйрия чарасы үткәрде.
Тантанага үзенчәлекле балалар тәрбияләүче һәм авыр тормыш хәлендәге күпбалалы аналар – барлыгы 25тән артык кеше чакырылган иде.
Мәҗлесне вагазь белән КИУ мөгалиммәсе Миләүшә ханым Зарипова ачып җибәрде: ул Мөхәммәд пәйгамбәр ﷺ һәм авырлыкларны ничек җиңәргә кирәклеге турында сөйләде. Чара тәмле төшке аш һәм «Бәхет ачкычы» иҗат төркеменнән сабын ясау буенча мастер-класс белән дәвам итте. Мәҗлес тәмамлангач, анда катнашучылар дога кылды һәм әлеге чарага чакырган өчен рәхмәт әйтте.
