Бүген, җөмәдәл әүвәл аеның 16 нчы көнендә (30 ноябрь), Казан ислам университетының Госман ибне Гаффан исемендәге Коръән хафизлар әзерләү үзәгендә Коръән укуның шигъри формада язылган “Төхфәтүл әтфәл” уку кагыйдәләре җыелмасын өйрәтергә хокук бирүче иҗазәтләр тапшыру тантанасы узды.
Коръән укуның шигъри формада язылган “Төхфәтүл әтфәл” уку кагыйдәләре җыелмасы 61 шигырьдән (бәеттән) тора. Әлеге әсбап буенча Исламдагы бик күп галимнәр белем алган.
Казан ислам университетының Госман ибне Гаффан исемендәге Коръән хафизлар әзерләү үзәгендә мондый иҗазәтләрне 2010 елдан бирле 60 шәкерт алды. Алар Татарстан һәм Россия төбәкләрендә дин юлында хезмәт итә.
