Бүген Татарстан мөфтие Камил хәзрәт Сәмигуллин Татарстан Республикасы Рәисе Рөстәм Миңнеханов катнашында “Ел җитәкчесе – 2023” республикакүләм иҗтимагый конкурсы лауреатларын бүләкләү тантанасында катнашты.
Ел саен үткәрелә торган “Ел җитәкчесе” республикакүләм иҗтимагый конкурсы Татарстан Республикасы Президенты Указы белән 2002нче елда гамәлгә куелды. Конкурсны уздыру башлангычы белән ТР Предприятиеләр һәм сәнәгатьчеләр ассоциациясе чыкты. Конкурс иҗтимагый танылуны тәэмин итү, эштә югары нәтиҗәләргә ирешкән һәм республиканың социаль-икътисадый үсеше бурычларын хәл итүгә сизелерлек өлеш керткән иң яхшы предприятие һәм оешмаларның уңай тәҗрибәсен билгеләп үтү максатыннан уздырыла.
Фото: ТР Рәисе матбугат хезмәте.
