Яңа Болгар авылы халкы мәчет төзелеше хакында сөйләште

Югары Ослан районының Яңа Болгар авылы халкының  авылда мәчет төзү турында җыелышы булды. Әлеге җыелышта җирле совет хезмәткәрләре, район имам-мөхтәсибе, Ватан авылы халкы, чакырылган кунаклар катнашты. Җыелыш Изге Коръән аятьләрен  уку белән башланып китте. Мөхтәсиб Гали хәзрәт Җиһаншин  үзенең чыгышында мәчет төшелешендә катнашуның дәрәҗәсен, бу биналарда укылган җәмәгать намазының савабын, төзелгән мәчетне тоту мөхәллә халкы өстендә булачагын искәртеп үтте һәм бу эшне башлап җибәрү өчен кирәкле документлар турында халыкка җиткерде.