25 гыйнвар көнне Буа мәдрәсәсендә имамнар җыелышы узды. Җыелыш Буа имам-мөхтәсибе Илмир хәзрәт Хәсәнов катнашында мөхтәсибәттә эшләүче ярдәмчеләре белән үтте.
Җыелышта имам-мөхтәсиб Илмир хәзрәт Хәсәнов имамнарга авыл мәчетләрендә дини чараларны күбрәк үткәрергә кирәклеге турында басым ясады.
Мөхтәсибәттә яшьләр буенча эшләүче Илнур Сафиуллин хәзрәтләрне үзенең планнары, гыйнвар һәм февраль аенда үтәчәк кышкы чаралар белән таныштырды.
Марсель хәзрәт Салаватуллин имамнарга теркәлеп бетмәгән авыл һәм шәһәр мәчетләрен теркәргә, дәүләт таләп иткән документларны барлап бетерергә өндәде. Фәнис хәзрәт Гайнатуллин мәчетләр каршында укыту белән бәйле мәсьәләләрне аңлатып үтте. Хәзрәтләргә февраль аена намаз вакытлары таратылды.
