Буа мөхтәсибәте мөселман яшьләре белән берлектә “Җимлекне үзең яса!” дигән бәйге үткәрә. Шул максаттан чыгып, җимлекне өйдә үзең ясарга һәм Буа мәдрәсәсенә илтеп тапшырырга сорыйлар.
Бу изге эштә бердәм рәвештә катнашып, канатлы дусларыбызны сөендерү белән беррәттән, иң яхшы җимлек ясап кыйммәтле бүләкләргә дә ия булырга мөмкин. Конкурска йомгак 8 февраль көнне 9.00 сәгатьтә Буа мәдрәсәсендә (К.Либкнехт ур., 79) ясалачак.
Мисал өчен, бер җимлек 50 песнәкне кышкы салкында үлемнән коткарырга мөмкин. Ә бер песнәк исә сезон дәвамында 10 агачны корткычлардан коткара. Ә бер кечерәк кенә өч агач 3 кешене кислород белән тәэмин итәргә җитә.
