Аллаһының рәхмәте белән 6 июнь көнне Мамадыш совхозы бистәсе Кызыл Тау авыл җирлеге “ Рәхимле” мәчете мәхәлләсе ифтар мәҗлесе үткәрелде. Пәйгамбәребез (с.г.в.) бер хәдис-шәрифендә: "Кем дә кем ураза тотучыларга ифтар мәҗлесе үткәрә, ул ризыкландырган һәммә кешенең ураза савабы авыз ачтырган кешегә дә языла", диелгән.
Авылның яше-карты, килгән кунаклар мәктәп бинасына җыелып, имам – мөхтәсиб Илһам хәзрәтнең вәгазен тыңлады. Ул аңлаешлы, үтемле итеп рамазан аеның фазыйләтләре турында сөйләде. Ифтар мәҗлесенә килүчеләр арасында төрле яшьтәге балалар да булуы бигрәк тә куандыра.
Ифтар мәҗлесен оештыруда ярдәм күрсәткән Кызыл Тау авыл җирлеге башлыгы Вәлия Әгъмәл кызы Гыйззәтуллинага, ярдәм иткән һәммәсенә рәхмәт сүзләрен җиткерде имам – мөхтәсиб Илһам хәзрәт.
