Татар Буасы авылы мәчете төзекләндерелә

Татар Буасы авылы халкы тырышлыгы белән август аенда мәчет манарасын төзекләндерү эшләре башланды. Изге эштә Буада яшәүче Сөләймановлар эшчеләр төркеме катнаша. Фоат әфәнде сүзләренә караганда, манараны Гаед бәйрәменә өлгертергә ниятлиләр. Манараның төзекләндерелүе авыл халкының иманын тагын да ныгытыр, мәчеткә алып баручы сукмакларны киңәйтер дигән өметтә калалар.