Әлки районы мәдәният йортында вәгазь кичәсе булып узды

Әлки районы мәдәният йортында вәгазь кичәсе булып узды. Кичәнең махсус чакырылган кунагы - Казан шәһәренең Идел буе һәм Вахит районнары мөхтәсибе Йосыф хәзрәт Дәүләтшин булды. Кичәдә шулай ук район башлыгы урынбары Билалов Рәшит Әбрар улы катнашты. Йосыф хәзрәт "Фәкыйрьлек: кесә юкалыгымы, әллә күңел тарлыгымы? " дигән вәгазь сөйләде. Хәзрәт район халкының, килгән кунакларның сорауларына да җавап бирде. Вәгазь кичәсе ахырында район мөхтәсибе Ирек хәзрәт Сәләхиев, Йосыф хәзрәткә рәхмәт сүзләрен җиткерде, мондый очрашулар дәвамлы булуын теләп калды.