Мөфти урынбасары Чистай мөхтәсибе белән очрашты

Бүген Татарстан Республикасы мөфтие урынбасары Мансур хәзрәт Җәләлетдин Чистай районы имам-мөхтәсибе Мөхәммәд хәзрәт Кыямов белән очрашты. Очрашуда Мөхәммәд хәзрәт казыят күләмендә үткәрелгән Коръән бәйгесе нәтиҗәләрен сөйләп үтте. Чистай шәһәрендә 7 нче мәчетне төзүне планлаштырулары турында белгертте һәм аның төзү проектын, янына имам йорты салу мәсъәләсе буенча киңәш сорады. Шулай ук мөхтәсибәттә якын вакытта район күләмендә Мәүлид бәйрәме үткәрү буенча әзерлек эшләре алып баруларын әйтте.