Рамазан аеның соңгы атнасында яңа төзелеп килә торган 8 нче мәчеттә бура өлешендә ифтар ашы булып узды. Ифтар ашы мөхтәсибәт белән берлектә үткәрелгән “Тәмле ифтар” акциясе белән башланып китте, ифтар ашына авыз ачарга килүчегә хөрмә белән су таратылды. Ахшам намазына хәтле мәчет имамы Шамил хәзрәт Вәлиуллин килүче кунакларга Рамазан ае турында вәгазъ сөйләде, мәчеткә сәдәка бирүчеләргә, булышучыларга мәхәллә исеменнән олы рәхмәтләрен җиткерде. Ахшам намазын укыгач авыз ачарга килүчеләр әзерләнгән мул табын артында сыйланып утырдылар. Ифтар ашын үткәрергә булышкан хөрмәтле хатын-кызларга Раббыбызның рәхмәте ирешсә иде диеп теләп кала 8 нче мәчет мәхәлләсе.
