7 июль көнне Өч мунча мәчетендә тантаналы вакыйгалар узды. Әлеге тантанада район имам-мөхтәсибе Илмир хәзрәт Хәсәнов сүз әйтте: “Мәчетләр - Раббыбызның йортлары, алар буш тормасын. Азан тавышы халыкның иманын уятуга сәбәпче булсын". Җәгъфәр хәзрәт Өч мунча авылы мәчетенең исеме “Гомәр Бакый” булачак дип халыкка хәбәр бирде.
Гомәр Бакый хәзрәтләре 1921-1941 нче елларда авылда имамчылык вазыйфаларын үтәп торган. Гомәр Бакый хәзрәтләренең кызы Сувәйбә бүген җыелган авыл халкына үзләренең гаиләсеннән җылы сүзләрен ирештерде. Тәкбирләр әйтеп мәчет янында эленгән тактаны ачуга керештеләр. Мәҗлестә Фәһим хәзрәт Сөләйманов, Кадим хәзрәт Мөбәрәкшин, Илдус хәзрәт Асадуллин, Абдуррахим хәзрәт үзләренең теләкләрен белдерделәр. Чара әзерләнгән мул табын артында үтте.
