29 нче август көнне Әлки районы Урта Әлки авылында, корбан мәҗлесе булып үтте. Мәҗлесне ,шушы авылда мәчет салдыручы, эшмәкәр Мәгърифәтуллин Нәзгать Мөгәллим улы һәм Халыкара ислам бизнесе ассоциациясе җитәкчесе Кабаев Марат Вазыйх улы оештырды. Әлеге чарада мөфтинең беренче урынбасары Рөстәм хәзрәт Вәлиуллин, Бөтендөнья Татар конгрессының Казан шәһәре иҗтимагый оешмасы җитәкчесе Мифтахов Фәрид Фәиз улы, Болгар имам мөхтәсибе Фәрхәд хәзрәт, Әлки районы башлыгы урынбасары Билалов Рәшит Әбрар улы, мөхтәсиб Ирек хәзрәт Сәләхиев һәм Мәскәү,Петербург,Уфа шәһәреннән дә кунаклар катнашты. Мәҗлестә вәгазьләр сөйләнде. Кунаклар тәмле пылау, шурпадан авыз иттеләр.
Бу изгелекле гамәлләрне кылучыларга,оештыручыларга Аллаһы Тәгалә әҗер-савапларын насыйп әйләсен.
