10 октябрь көнне "Хәзинә" мөселман балалары клубында өлкәннәр өчен мәҗлес үткәрелде. Ул 11:00 сәгатьтә башланып өйлә намазына хәтле дәвам итте. Чара кунаклары булып "Хәзинә" шәкертләренең дәү әниләре чакырылган иде. Ә инде аларны тәбрикләү өчен шәһәребез имам-мөхтәсибе урынбасары Фоат хәзрәт килде. Үзенең чыгышында ул өлкән буынны балалар үстерүгә һәм тәрбияләүгә куйган көчләре өчен зур рәхмәтләрен белдерде. Мәҗлес балаларның шигырь сөйләүләре белән башланды һәм әбиләр катнашында җитезлек һәм белем белән бәйле кызыклы уеннар белән дәвам итте. Шулай ук чара дәвамында "Хәзинә" шәкертләре дәү әниләренә үз куллары белән ясаган чәчәкле рамкалар, чәчәкләр бүләк иттеләр һәм әбиләргә багышланган җырлар җырладылар. Мәҗлес өйлә намазыннан соң чәй өстәле артында тәмамланды. Килгән кунаклар өйләренә бик канәгать булып һәм сөенеп кайтып киттеләр.
Чаллыда "Хәзинә" мөселман балалары клубында өлкәннәр өчен мәҗлес үткәрелде
11 октябрь 2019 ел 16:27
Соңгы яңалыклар
Алабуганың Җәмигъ мәчетендә ир балалар өчен "Оста куллар" hөнәрханәсе ачылды
02 ноябрь 2023 ел 13:10
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы