14-нче октябрь көнне Буа районы имам-мөхтәсибе Чәчкап авылында мәчет каршында укулар башлану кичәсендә катнашты.
Илмир хәзрәт үзенең нәсыйхәтендә гыйлем алырга бөтен шартлар да килгән, авылда аерым мәдрәсә, Буа мәдрәсәсен тәмамлаган шәкертләр булуын азсызыклап үтте. Мәдрәсәдә иң беренче чиратта "Мөгаллим сәни", намаз тәртипләре, фикъһе, әхлак дәресләре укытылырга тиешлеген аңлатты. Авыл имамы Җәгъфәр хәзрәт уку-укыту ягыннан бернинди авырлыклар булмас икәнлеген әйтеп үтте. Авылның өлкән укытучысы Гөлшат абыстай Каюмова үзенең кайбер киңәшләрен бирде, авылда уку дәвере барганда вәгазь-нәсыйхәтләр өчен хәзрәтләр җибәреп торуны сорады. Әңгәмә чәй табыны артында дәвам итте.
