14-15-нче мартта Буа мәдрәсәсендә кичке бүлектә укучы шәкертләр белән мәетне соңгы юлга озату кагыйдәләрен өйрәнү буенча ачык дәрес уздырылды. Дәресне Казанның "Иске таш" мәчете мөгаллимәсе Гүзәлия абыстай Шәйдуллина уздырды. Ике көн дәвамында Гүзәлия абыстай шәкертләрне кәфен кисү, мәетне тәһарәт алдыру, госел коендыру һәм мәрхүмне соңгы юлга озатуның бик кирәкле кагыйдәләрен җентекләп аңлатып, манекен өстендә күрсәтеп тә бирде.
Гүзәлия ханым шәкертләрнең күп санлы сорауларына да бик төгәл жавап бирде. Мәдрәсә җитәкчеләре һәм шәкертләре исеменнән Гүзәлия ханымга зур рәхмәтләребезне җиткерәбез, мондый дәресләр соңгысы булмас дип ышанып калабыз.
