4-нче май көнне Буа мөхтәсибәте, Татарстанда гомуми үзизоляция режимы кертелү сәбәпле, Буаның шәһәр һәм авыл мәхәлләләренә VIII Республикакүләм ифтар тартмаларын таратты. Имамнар, ифтар вакытына кадәр, әлеге җыелмаларны мәхәлләләрендә булган аз керемле, ятим, мохтаҗ гаиләләргә өләште. Буа мөхтәсибәте, шәһәр һәм авыл имамнары, бу изге эштә үзләренең өлешләрен керткән Татарстан мөфтиятенә һәм бүтән оешмаларга олы рәхмәтләрен җиткерә.
