20 февраль көнне Югары Ослан районының "Каен" балалар бакчасында "Татар кызы, татар малае – 2021" дип исемләнгән конкурс булды. Әлеге чараларны үткәрүдә район мәгариф бүлеге һәм балалар бакчасы хезмәткәрләре, Югары Ослан районы мөхтәсибәте катнашты. Конкурс балаларда дини-әхлакый сыйфатлар, илебезгә мәхәббәт, татар халкындагы гореф-гадәтләрне, милли традицияләрне тәрбияләүгә юнәлдерелгән иде. Чаралар алты номинациядә үткәрелде: “Татар малае – 2021", “Татар кызы – 2021”, “Милли традицияләрдә тәрбияләнгән малай (кыз)”, “Иң тырыш малай (кыз)”, “Иң талантлы малай (кыз)”, “Иң матур сәхнә образы өчен”. Җиңүчеләргә район мәгариф бүлеге дипломнары һәм мөхтәсибәт тарафыннан бүләкләр тапшырылды. Телебезне, йолаларыбызны саклап калу буенча районыбызда тагын бер зур адым ясалды.
