Мөслимдә балаларга әхлак тәрбиясе бирделәр

Җәйнең соңгы аенда Мөслим районында урнашкан "Урман иле" лагерында "Әхлак һәм сәламәтлек" сменасы оештырылды. Ун көн дәвамында балалар табигать кочагында ял итте, рухи-тәрбия дәресләрендә катнашты, актив уеннар уйнады. Төркемнәрдә дустанә мөнәсәбәт хөкем сөрде. Мондый сменада беренче тапкыр катнашучылар да, бу мохиттә тәрбияләнүчеләр дә, үзенә кызыклы булган мәгълүмат алып, вакытын файдалы үткәрде. Оештыруда тырышлыгы кергән һәр кешегә, Аллаһ Тәгалә ике дөньяда да, Үзенең чиксез мәрхәмәтен насыйп итсен. Өйләребездә бәрәкәт, иминлек булып, иман нуры балкып торсын!