Казан шәһәре Авиатөзелеш һәм Яңа Савин районнары мөхтәсибәте имамнары җыелышы узды

Казан шәһәре Авиатөзелеш районының быел гына ачылган "Рәхмәтулла" мәчетендә беренче тапкыр Авиатөзелеш һәм Яңа Савин районнары мөхтәсибәте имамнары җыелышы узды. Җыелышта  имамнарга шәһадәтнамәләр тапшырылды, мөһим мәсьәләләр каралды. Хәзерге вакытта мөхтәсибәттә 9 мәчет исәпләнә, шуның икесе - яңа мәчетләр. "Рәхмәтулла" мәчете агымдагы елның 19 нчы июлендә ачылган иде. 12 нче хастаханә янында төзелеп килүче "Тәүфыйк" мәчете дә тиздән ачылачак.  Аның имамы итеп "Мөхәммәдия" мәдрәсәсе директоры урынбасары Зөлфәт хәзрәт Габдуллин расланды.