8 майда Южно-Сахалинск шәhәре татар мохтәрияте Сахалин өлкәсе мохтәсибәте hәм "Ак калфак" оешмасы белән берлектә Идел буе Болгар дәүләтендә ислам дине кабул итүнең 1100-еллыгына багышланган чара уздырды.
Чарада татар "Дуслык" ансамбле башкаруында тарихи "Ак калфак " җыры, ансамбль солистлары Эмилия hәм Гөлшат башкаруында мөнәҗәтләр яңгырады. Шулай ук кечкенә сабыйлар динебезгә багышланган шигырьләр hәм Корьән сүрәләре укыды.
Кичәдә борынгыдан килгән "Балага исем кушу" йоласы башкарылды hәм "Голдар" бию ансамбле кызлары тарафыннан мөселман модасы курсәтелде. Ә соңыннан Ерак Көнчыгыш мөселман хатын-кызлары оешмасы рәисе Маhина ханым «Мусульмане на Дальнем Востоке России: история и современность» китабы турында сөйләде. Кичә мөселман хатын-кызлары әзерләгән сый-нигмәткә бай өстәл артында тәмамланды.
