Мамадыш мәдрәсәсенең беренче курс  шәкертләре проект эше башкарды

Мамадыш мәдрәсәсенең беренче курс  шәкертләре, гарәп алфавитын тәмамлаганнан соң, мөгаллимнәре Рашит Гали улы җитәкчелегендә проект эше башкарды. Бу эшкә бик җитди  һәм  җаваплы карады. Гарәп хәрефләре турында кызыклы хикәяләр, хәтта  шигырьләр дә язып чыктылар. Аларның иҗат җимешләре балалар өчен аеруча файдалы булачак. Чөнки белгәнебезчә, нәниләребез гыйлемне образлы фикерләү ярдәмендә яхшы үзләштерә. Биредә хәрефләрнең ясалышы, калын һәм нечкә хәрефләрнең кызыклы  маҗаралары һәм башка хикәяләр хәтта зурларны да битараф калдырмый.