10нчы сентябрь көнне Буа мөхтәсибәтенең мәчет каршындагы курсларда белем бирүче абыстай-мөгаллимәләренең җыелышы булып узды.
Мәҗлесне Яңа Тинчәл авылы имамы Илдар хәзрәт Коръән аятьләре укып башлап җибәрде. Имам-мөхтәсиб Илмир хәзрәт Хәсанов имамнар тәкъдиме белән Баһаветдинов Рөстәм хәзрәтне уку-укыту бүлеге җитәкчесе итеп билгеләде. Илмир хәзрәт Нәзарәт стандартларына туры килгән бердәм программа буенча укыту турында сүз алып барды. Рөстәм хәзрәт үзенең чыгышында мөгаллимнәргә актив булып халыкка дини гыйлемнәр бирергә өндәде.
