Бөгелмәнең җәмигъ мәчетендә азербайҗан диаспорасы оештырган ифтар мәҗлесе үтте. Бер өстәл артында төрле милләт вәкилләре татар һәм азербайҗан халыкларының милли ризыкларын авыз итте. Чарада катнашкан Бөгелмә мөхтәсибе урынбасары Рамиль хәзрәт Хөснетдинов биредә дустанә мөнәсәбәт хөкем сөргәнен ассызыклады. Мәҗлес Коръән аятьләрен уку белән үрелеп барды. Шуны да әйтергә кирәк, Бөгелмәнең җәмигъ мәчетендә Рамазан дәвамында көн саен 200 кешелек ифтар ашлары үтә.
