22 октябрьдә Апанай мәчетендә күзләре күрмәүче һәм начар ишетүчеләр өчен Мөхәррәм ае уңаеннан күркәм чара оештырдылар. ТР МДНнең дәгъват бүлеге җитәкчесе, Апанай мәчете имам-хатыйбы Нияз хәзрәт Сабиров чара килгән кунакларга Мөхәррәм аеның фазыйләтләре һәм ислам дине кыйммәтләренә багышланган вәгазь сөйләде. Соңыннан халыкны корбан итеннән пешерелгән аш-су, ризыклар белән сыйладылар һәм мәхәллә исеменнән һәркайсысына бүләкләр тапшырдылар. Якын арада Апанай мәчетендә күзләре күрмәүчеләр һәм начар ишетүчеләр өчен ислам нигезләре буенча курслар башлана.
