Көзге каникуллар вакытында Бөгелмә мөхтәсибәтендә балалар өчен лагерьлар эшләде. Берничә көн дәвамында балаларга дини сабакларны мәчет каршындагы курсларда гыйлем бирүче мөгаллимнәр укытты. Яшь мөселманнар Коръәннән кайбер кыска сүрәләрне ятлады, намаз укырга өйрәнде һәм дини-әхлакый эчтәлектәге лекцияләр тыңлады, дип хәбәр итә Бөгелмә мөхтәсибәте.
