Бүген Татарстан мөфтие Камил хәзрәт Сәмигулллин Казанның “Гадел” мәчетендә җомга намазы үткәрде. Мөфти хәзрәтләре үзенең вәгазендә ислам кыйммәтләре турында сөйләде һәм мәхәллә халкы белән аралашты, дини сорауларына җавап бирде. Мәчетнең имам-хатыйбы Рөстәм хәзрәт Бакиров белән дә аерым очрашу булды. Рөстәм хәзрәт мөфтигә мәчетнең еллык эшчәнлеге турында җиткерде һәм якын арада уздырылачак чаралар белән таныштырды.
