Бүген нәзарәтнең дәгъват бүлеге җитәкчесе Нияз хәзрәт Сабиров һәм бүлекнең баш белгече Тимергали хәзрәт Юлдашев Питрәч районының Шәли авылы укучылары белән очрашты. Хәзрәтләр мәктәп укучыларына гаилә кыйммәтләренә багышланган вәгазьләр сөйләде. Аерым алганда, сүз ныклы милли һәм әхлакый нигезләргә корылган гаилә, анда татулык, үзара сөю һәм хөрмәт хисләре булдыру хакында барды. Балалар, үз чиратында, дин әһелләренә ислам нигезләре һәм дога кылу әдәпләренә караган сораулар бирде.
