Кайбыч мөхтәсибәте Болгар җыенына әзерләнә

21 май көнне республикабызның Болгар шәһәрендә "Болгар җыены" оештырыла. Кайбыч районы мөхтәсибәте әлеге чарага баруны оештыра. "Катнашырга теләгән райондашларыбызны 20 майга кадәр 21334, 21340 номерларына шалтыратып, автобуска урыннар алып куярга чакырабыз", - дип хәбәр итә мөхтәсибәт сайты. Соңгы елларда Болгар шәһәрендә зур үзгәрешләр һәм яңа биналар салынды. Әммә бу елгы җыен аеруча тантаналы, чөнки  Болгар шәһәрендә дин галимнәрен әзерли торган академия бинасы нигезенә таш салыначак.