Бүген, Зөлкагдә аеның 26 нчы көнендә, Татарстан мөфтие урынбасары, Россия ислам институты Рәфикъ хәзрәт Мөхәммәтшин җитәкчелегендә республикабызның мөселман дини уку йортлары җитәкчеләре делегациясе, Ислам мәгарифе советы утырышында катнашу өчен, Мәскәүгә сәфәр кыла. Әлеге киңәшмә эшендә шулай ук РФ Президенты Администрациясе, Россия Фәннәр академиясе вәкилләре катнаша.
Утырышта Россиядә ислам белеменең сыйфатын үстерү һәм яхшырту өчен кирәкле мөһим мәсьәләләрне, шул исәптән, патриотик тәрбия бирү һәм ислам уку йортлары студентларында гражданлык хисен формалаштыру буенча яңартылган модульләр белән урта һөнәри һәм югары (бакалавриат, магистратура) дини белем бирү стандартын карау планлаштырыла. Моннан тыш, Россиянең мөселман уку йортларында кулланыла торган төп уку әдәбиятына күзәтү ясау һәм анализлау, шулай ук шәкертләрне максатчан җыю һәм ислам уку йортларына иҗтимагый аккредитация механизмнары буенча фикер алышу көтелә.
